En la kamareta
esta estirado
Un muerto, buen djudyo
al deredor de el djudyos estan asentados
para avlar kon el una vez mas
damas i ijikos se fueron
a la kaza del tiyo
Un muerto, buen djudyo
kale ke durma en pas
la ventana esta avyerta
i la puerta esta serrada
en la ventana una kupa
en la kupa, agua yelada
en la ventana un plato
en el plato, arina
Un muerto, buen djudyo
kale ke koma una vez mas
Un muerto, buen djudyo
no kale ke se vayga ambrierto
al otro mundo
Televizyon i espejo estan kuvridos
un mansevo orasyona i yora
kon los djudyos noche entera
El sol sale
a la ventana un pasharo kanta
en la kupa mas poka agua
en el plato una segita de dedos
El muerto, buen djudyo komyo
por su ultima vez
un koche del funeral vyene
i el muerto, buen djudyo se fue
todos los djudyos de la kaleja
estan afuera
beven agua de las kupas
i orasyonan djuntos
por el muerto, buen djudyo
Vate kon alegriya
Vate al Dio
Martin de Engleterra
Aún no hay Comentarios/Trackbacks para este post...